რა არის პრობლემა?

• საქართველოს მოსახლეობა 3,6 მილიონს ოდნავ აღემატება. რაოდენობა ყოველწლიურად მცირდება; 
• ამ ფონზე, ქვეყნიდან შრომისუნარიანი ადამიანების მასობრივი გადინება აფერხებს ქვეყნის ეკონომიკურ განვითარებას; 
• ყოველი ადამიანი, რომელიც სამუშაოდ მიდის სხვა ქვეყანაში, საქართველოსთვის ნიშნავს დაკარგულ გონებრივ და ფიზიკურ რესურსს;
• რაც მალე გამოიწვევს ქვეყანაში (ზოგიერთ სფეროში უკვე ასეც არის) კვალიფიციური კადრების ნაკლებობას ბევრი მიმართულებით.

რა უნდა ვიცოდეთ?

• მიგრანტად ითვლება ადამიანი, რომელმაც დატოვა ქვეყანა ბოლო 12 თვეში და სულ მცირე 183 დღე (შეიძლება იყოს რამდენიმე გასვლის ჯამი) იმყოფებოდა სხვა სახელმწიფოს ტერიტორიაზე;
• შრომითი მიგრაცია არის დასაქმების მიზნით საკუთარი ქვეყნის დატოვება და სხვა ქვეყანაში გამგზავრება. 
• ბოლო წლებში ჩატარებული კვლევების თანახმად, საზოგადოების მთავარი პრობლემებია: სამუშაო ადგილების სიმწირე, სიღარიბე და პროდუქტზე ფასების ზრდა.

რიცხვებში

2018 წლის მონაცემებით მიგრაციის ძირითადი ქვეყნები 838 000 ქართველი მიგრანტისთვის:

• რუსეთი - 450 000
• ევროკაშირის 28 ქვეყანაში - 167 553 (ყველაზე მეტი 81 000 მიგრანტი საბერძნეთშია, 22 000 გერმანიაში, ხოლო 12 000 - იტალიაში)
• უკრაინა - 65 042
• აზერბაიჯანი - 50 173
• სომხეთი 40 794
• ამერიკის შეერთებული შტატები - 24 456 (2015 წლის მონაცემით)